ავტორი: NulleDკატეგორია: სპორტინახვა: 1275კომენტარები: 0თარიღი: 11 ივნისი 2010
როგორც მოსალოდნელი იყო, იტალიის ეროვნული ნაკრების
ერთ-ერთი ლიდერი, ანდრეა პირლო მსოფლიოს ჩემპიონატის დასაწყისს გამოტოვებს.
BBC-ს ცნობით, 31 წლის ნახევარმცველი ტურნირის პირველ ორ მატჩში ვერ
მიიღებს მონაწილეობას, რომლებშიც იტალიელთა მოწინააღმდეგეები პარაგვაის და
ახალი ზელანდიის ეროვნული ნაკრებები იქნებიან.
სავარაუდოდ, პირლოს ადგილს “სკუადრა აძურას” ძირითად შემადგენლობაში
რიკარდო მონტოლივო დაიკავებს. “ფიორენტინას” 25 წლის ნახევარმცველს ასეთ
დონეზე თამაშის გამოცდილება არ აქვს, მაგრამ იგი მაინც აცხადებს, რომ ახალი
გამოწვევის მისაღებად მზადაა: “პირლო განსაკუთრებულია ფეხბურთელია. მის
პოზიციაზე ნაკრებში 2-3 ფეხბურთელი თამაშობს, ერთ-ერთი მათგანი მე ვარ.
მსოფლიოს 2006 წლის ჩემპიონატს თვალი ტელევიზორში ვადევნე, დღეს კი თავად
ვარ ამ ტურნირის მონაწილე. ეს ჩემი კარიერის უმნიშვნელოვანესი პერიოდია და
ცოტათი ვღელავ. მაგრამ ჩემპიონთა ლიგაზე თამაშის გამოცდილებამ საკუთარი
თავის რწმენა შემმატა და შემიძლია გითხრათ, რომ მზად ვარ” – ციტირებს
მონტოლივოს სიტყვებს BBC.
რიკარდო მონტოლივო “სკუადრა აძურას” წევრი 2007 წლიდანაა. მას ნაკრებში 14
მატჩი აქვს ჩატარებული. რაც შეეხება პირლოს, რომლის დაბრუნებაც ჯგუფური
ეტაპის ბოლო ტურში, სლოვაკეთთან გასამართ მატჩში ივარაუდება, მისი
სანაკრებო მონაგარი 66 მატჩისგან და 8 გოლისგან შესდგება
გადმოსაწერი ლინკები:
ინფორმაცია
ჯგუფ Guest-ის წევრებს არ აქვთ კომენტარის გაკეთების უფლება.
